Segundo o último estudo realizado por Idealista, a rendibilidade bruta da compra dunha vivenda para poñela no mercado de alugueiro aumentou un 0,2% no primeiro trimestre do ano, chegando ata o 7,3%. Esta rendibilidade duplica a taxa que ofrecen os Bonos do Estado a 10 anos vista (3,2 %). Para a elaboración deste estudo dividiuse o prezo de venda ofertado entre o prezo de alugueiro que solicitan os propietarios nos diferentes mercados referentes aos índices trimestrais de vivendas, locais, garaxes e oficinas, a través dos datos recompilados e analizados por Idealista/data.

Segundo este estudo, que relaciona os prezos de venda e alugueiro de distintos produtos inmobiliario para calcular a súa rendibilidade bruta, as oficinas mantéñense como o investimento máis rendible, aínda que descendeu do 13,1 % no que se atopaba fai un ano ao 11,8% actual. A rendibilidade dos locais aumentou, pasando do 9,7 % fai un ano ao 9,9 % actual, mentres que a dos garaxes descendeu, pasando do 7,1 % ao 7 % actual. 

Concretando en vivenda, Lleida é a capital de provincia con maior rendibilidade media, alcanzando o 8,4 %, seguida por Murcia (7,8%) e Huelva (7,4%). Con rendibilidades superiores ao 7 % atópanse Almería (7,2%), Segovia (7,2%), Xaén (7,1%) e Zamora (7%). Polo contrario, San Sebastián é a cidade con menor rendibilidade promedio (3,8 %), seguida por Cádiz (4,7%), A Coruña (4,8%), Palma (4,8%), Pamplona (4,9%) e Bilbao (5%). As dúas grandes cidades sitúanse nun punto intermedio, alcanzando a rendibilidade en Madrid un 5,2 %, e un 5,8 % en Barcelona. 

As cidades de Murcia e Ávila presentan un entorno mellor para os locais, cunha rendibilidade do 11,6 %, mentres que neste tipo de produto a cidade con menor rendibilidade é Palma, cun 6,6 %. En canto ás oficinas, o mellor entorno atópase en Sevilla, cun 13,7 %, mentres que o menos favorable é en Ourense, cun 6 %. Por último, en canto aos garaxes, que é o produto menos rendible para o inversor, o mellor entorno sitúase en Murcia, cun 10,1 %, mentres que o menos favorable é o de Salamanca, cun 2,6 %.

Fonte.- Idealista