No ano 2023 os prezos da vivenda en Reino Unido descenderon un 1,8% ao longo do ano, segundo os datos do prestamista hipotecario Nationwide, que prevé unha situación similar para 2024. No último bimestre do ano os precios mantivéronse relativamente planos, situándose un 4,5% por debaixo dos máximos alcanzados en verán do 2022. Esta situación derivou do aumento dos tipos de interese ata un 5,25% polo Banco de Inglaterra, o que supuxo unha cifra record nos últimos 15 anos, e provocou un forte impacto nos costes hipotecarios nos posibles compradores. Dentro do territorio do Reino Unido, as únicas zonas nas que se elevaron os prezos foron Escocia e Irlanda do Norte, mentres que ao longo de Inglaterra diminuíron ao redor dun 2,9% interanual, con especial impacto nas rexións do sur do pais británico.

A pesar destes descensos nos prezos, os compradores dunha primeira vivenda terán que asumir o pago dun depósito que xa alcanza o 105% dos seus ingresos anuais, mentres que a hipoteca suporía mensualmente o 38% dos seus ingresos mensuais. Isto provocou que o número de transaccións nas que o comprador solicita unha hipoteca nos último seis meses sexa cinco veces menor que antes da pandemia. Precisamente o aumento na demanda por parte de compradores que pagan en man limitou a caída nos prezos.

A estabilización dos custos en decembro, posteriormente a unha lixeira subida nos meses anteriores, parece indicar que haberá un freo na caída dos prezos. Os expertos prevén que o Banco de Inglaterra comece próximamente a rebaixar os tipos hipotecarios, algo que alentou a algúns potenciais compradores. Sen embargo, os expertos afirman que é improbable que se produza unha recuperación rápida da actividade, senón que se prevé que os prezos se manteñan planos ou mesmo caian sobre un 2% ao longo de 2024.

Fonte.- Idealista