Segundo a Enquisa de Condicións de Vida do INE referente ao ano 2023, as familias que vivían nunha vivenda en propiedade foron o 75,1%, a cifra máis baixa das últimas dúas décadas, mentres que o alugueiro a prezo de mercado alcanzou o 15,4%, o nivel que alcanzou en 2019 e establece a cifra máis alta da serie histórica. O peso do alugueiro a un prezo inferior ao de mercado quedouse no 3,3%, tras aumentar en 3 décimas respecto a 2022. Polo tanto, o peso total do alugueiro sería do 18,7%, marcando neste caso unha cota récord. Doutra banda, o 6,1% restante de fogares vive en vivendas cedidas, unha cifra que está nun punto intermedio entre o máximo e o mínimo da serie histórica. 

A propiedade alcanzou o seu pico en 2005, cando chegou a representar máis do 80% do total de vivendas, e dende entón perdeu ata 5 puntos porcentuais de peso. Ese mismo ano, o alugueiro alcanzou o seu punto máis baixo, con apenas un 9,5%, case seis puntos porcentuais por debaixo da cifra coa que se pechou 2023. No caso dos alugueiros a prezo inferior ao de mercado, o seu punto máis alto foi en 2004, cando alcanzou un 3,9%, mentres que a cesión de vivendas marcou máximos en 2007, cando eran o 7,1% dos fogares os que vivían baixo ese réxime. 

Fonte.- Idealista