Pontevedra é a cuarta provincia española onde máis subiron os prezos da vivenda durante o segundo trimestre de 2024, de acordo con os datos do portal inmobiliario Fotocasa publicados recentemente. Unicamente Baleares, Ávila e Alicante presentan cifras maiores que Pontevedra, onde o incremento das tarifas para a adquisición dunha vivenda aumentaron un 6% entre abril e xuño. O encarecemento nas illas Baleares alcanzou o 7,2%, un 6,3 en Alacante e un 6,1 en Ávila. Entre os grandes mercados, fóra do top 4, destacan o incremento en Madrid (5,2% de subida), Barcelona (3,6%) ou o País Vasco (4,3%).

En canto á clasificación de prezos por comunidades, Baleares e Madrid ocupan os primeiros postos, e superan a barreira dos 4.000 euros, en concreto en Baleares págase a 4.254 euros/m2 e en Madrid a 4.215. Ambas as autonomías alcanzan máximos e superan os prezos dos rexistros do Índice Fotocasa. Séguenlle o País Vasco, con 3.186 euros/m2; Cataluña, onde se paga de media 2.847 euros; Canarias (2.582), Andalucía (2.142), Navarra (2.099) e Cantabria con 2.012 euros por metro cadrado. No caso de Galicia, o portal inmobiliario calcula un prezo medio de 1.802 euros por cada metro de vivenda.

A provincia de Pontevedra presenta os prezos medios máis caros das catro provincias galegas, cun estándar que supera os 2.200 euros por metro cadrado. Na Coruña, a subida do último trimestre foi do 1% e o seu prezo medio está en 1.725 euros. En Lugo, cunha alza do 5,8% ata xuño, páganse de media 1.310 euros por metro cadrado. E en Ourense o prezo rolda os 1.445 euros, mentres que o encarecemento rexistrado entre abril e xuño foi do 0,6%.

Fonte.- Diario de Pontevedra